Уйқусизлик муаммоси ва давоси

Уйқу унинг муҳимлиги, уйқусизликни келтириб чиқарувчи омиллар ва давоси ҳақида

Уйқусизлик (баʼзан инсомниа ҳам дейилади) тегишли шароит боʻлишига қарамай, ухлай олмаслик муаммоси билан характерланувчи касаллик симптомидир. Бу одатда ҳолсизланиш, бош огʻриқлари ва бошқа симптомларни келтириб чиқаради.

Уйқусизлик атамаси уйқунинг мутлақо ёʻқлигини эмас, балки ухлаш қийинлигини англатади.

Уйқусизлик, инсомния, агрипния — тунги уйқу маромининг бузилиши; тунда кам ёки юзаки ухлаш, уйқу келмаслик, бевақт уйгʻонавериш, шунингдек, жуда эрта уйқу оʻчиб кетиши ва бошқа

Баʼзи одамларда уйқу болалигидан бузилган боʻлади, мас, ирсий, илк ёшда бошдан кечирилган баʼзи касалликлар ёки нерв системаси, бош миянинг шикастланиши оқибатида келиб чиқади. Уйқусизлик коʻпинча нерв системасининг кучли руҳий, эмоционал шикастлари, невроз, психоз, бош миянинг органик касалликлари (айниқса, мия қон томирлари атеросклерози), ички аʼзолар ва эндокрин безлар (буйрак, жигар, қалқонсимон без) касалликлари билан богʻлиқ нерв системасининг функционал бузилишларида учрайди. Уйқусизлик ётадиган жойнинг ноқулай боʻлиши, бирор нарсадан ҳаяжонланиш, бирорта касалликнинг бошланиш белгиси боʻлиши ҳам мумкин. Агар Уйқусизлик нохуш кечинмалар, толиқиш, ухлаш маромининг бузилишидан (функционал Уйқусизлик) келиб чиққан боʻлса, у оʻзича тикланади. Бунинг учун ҳар куни бир вақтда одатдаги шароитда ётиш, яхши ҳаёллар суриш лозим. Бу тавсияларга риоя қилинса, ҳаяжонланиш, толиқишдан юзага келадиган Уйқусизлик тезда оʻтиб кетади. Уйқу ёши қайтган ва қариган кишиларда оʻзгаради; уйқу ёшлик даврига қараганда бирмунча юзаки ва қисқа муддатли боʻлиб қолади, бу шу ёшдаги организмнинг физиологик хусусиятлари натижасидир.

Уйқусизлик нинг ҳар қандай турида ҳам врач билан маслаҳатлашиб, зарур муолажаларни олиш тавсия этилади, оʻз билгича доридармонлар билан даволаниш хавфли асоратларга олиб келади.