"KAFOLAT SK" AJ mobil dasturi

"KAFOLAT sug'urta kompaniyasi" AJ mobil dasturi

Kafolat sug'urta kompaniyasi aktsiyadorlik jamiyati mobil dasturi. Mobil dastur o'zbek va rus tillaridagi interfeyslarga ega bo'lib, u orqali kompaniya yangiliklari bilan tanishish, 90 ga yaqin sug'urta xizmatlari xaqida batafsil ma'lumot olish va tanlangan sug'urta xizmati bo'yicha kompaniya mas'ul xodimlar bilan bog'lanish uchun “Qaytarib qo'ng'iroq qilish” xizmatidan foydalanish mumkin. Shunisi e'tiborga loyiqki, mijozlar mobil dastur orqali kompaniyaning 14 ta sug'urta turlaridan foydalanish uchun elektron arizani tegishli hujjatlar nusxalari bilan masofadan turib onlayn taqdim qilishlari, sug'urta polislari uchun to'lovni onlayn tarzda amalga oshirishlari, shuningdek sug'urta holati xaqida xabar berishlari va sug'urta holati bo'yicha bergan arizalarining ko'rib chiqilish holati va muddatlarini kuzatib borishlari mumkin bo'ladi. Ko'p uchraydigan savollarga javoblar bilan tanishish bilan bir qatorda, dastur foydalanuvchilari kompaniya mutasaddilariga o'z savollari bilan onlayn tarzda murojaat qilib, javobini onlayn dialog tarzida yoki SMS orqali, Telegram messenjeri orqali yoxud elektron pochta orqali olish imkoniyatiga ega bo'ladilar. Kompaniyaning viloyatlar va tumanlarda joylashgan hududiy bo'linmalari joylashish manzillari, telefon raqamlari, bank rekvizitlari, hududiy bo'linma rahbari haqida ma'lumotlar bilan birga hududiy bo'linmaning joylashishi koordinatlari orqali Google xaritasida ko'rish mumkin bo'ladi. Dasturchilar tomonidan “Foydali manbalar” sahifasi ham yaratilgan bo'lib, u orqali sug'urta kalkulyatorlaridan foydalanish, eng kam oylik ish haqi miqdori haqida va yo'l harakati qoidalari buzilganligi uchun qo'llaniladigan jarimalar miqdorlari haqida ma'lumot olish mumkin bo'ladi. Mobil dastur ma'lumotlari strukturasi klient – server texnologiyalariga asoslangan bo'lib, barcha ma'lumotlar dinamik ravishda yangilanib boradi.