Математика (синфи 6)

數學式（興富6）

Дар асоси нақшаи нави таълими фанни Математика барои

солҳои таҳсили 2016-2020 ва вобаста ба зиёд шудани соатҳои

таълимй барои синфи 6, дар мазмуну мундариҷаи китоби дарсии

ин фан баъзе тағйироту иловаҳо ворид карда шудаанд.

Таърифҳои нишонаҳои тақсимшавии ададҳои 2, 3, 5, 9, 10 ва

ғ, ки дар китоби амалкунанда нопурра буданд, пурра карда

шуданд. Минбаъд, ин нишонаҳо шакли ҳам зарурӣ ва ҳам

кифоягиро мегиранд.

Шарти баъзе масъалаҳои китоб нопурра ва таҳрирталаб

буданд. Бо баробари ислоҳ шудани камбудиҳои имлой, забони

китоби дарсй бо “Фарҳанги имлои забони тоҷикй” (Қарори

Ҳукумати Ҷумҳурии Тоҷикистон аз 4.10.2011 бо № 458) мутобиқ

гардонида шуд.

Дар нашрҳои пештараи китоб баъзе аз мавзӯъҳо аз барномаи

таълимӣ берун монда, баъзеи дигарашон, масалан, масъалаҳои

матнй, баръакс, аз ҳад зиёд маънидод шудаанд. Мавзӯи “Нисбат

ва таносуб” таҳрир карда шуда, мавзӯъҳои “Масштаб ва

истифодаи он “ ба китоби дарсй ворид карда шуданд. Дар ин

нашр мавзӯи“ Аз фолклори математикй” илова шудааст, ки

супоришҳои он барои бедор кардани шавқи донишомӯзй,

шиносой бо таърихи математикаи ниёгонамон хизмат мекунанд.

Дар нашри чорум пас аз ҳар боб супоришҳои тестй ва корҳои

санҷиширо мутобиқ ба барномаи амалкунандаи таълим илова

кардаем, ки онҳо метавонанд баҳри ба таври муназзам ба роҳ

мондани корҳои мустақилонаи хонандагон мусоидат намоянд.

Дар охири китоби дарсй бобҳои VIII ва IX илова карда

шудаанд. Боби VIII барои бо забони математикй хубтару

пурратар навиштану хонда тавонистани формулаҳо ва ифодаҳои

математикй мусоидат хоҳад кард. Боби IX бошад, давоми

мантиқии мавзӯъҳои синфи 6 ба шумор меравад. Ҳама

мавзӯъҳои китоб бо супоришҳо ва машқҳо пурра карда шудаанд.

Хоҳишмандем, фикру мулоҳизоти хешро доир ба мазмуну

мундариҷаи китоби “Математика-6” бо суроғаи ш. Душанбе,

кӯчаи Дехдавй 5, ба Литсейи равияи табиию риёзии ДМТ ирсол

доред.