Quroni Karim manolar tarjimasi

Ushbu dasturni biz siz aziz birodarlarımız uchun ishlab chiqdik. Baho bering

Bismillahir rohmanir rohiym. Mehribon va Rahmli Alloh nomi bilan boshlayman.

Hammamizga ma’lumki, Qur’oni karim Alloh taolo tomonidan Payg‘ambarimiz Muhammad sollollohu alayhi vasallamga 23 yil mobaynida sura, oyat tarzida elchi farishta –Jabroil alayhissalom orqali ilohiy vahiy sifatida, arab tilida, og‘zaki nozil qilingan.

Arab tilida o‘qib anglash esa, hammaning ham imkon darajasida emas. Hatto arablarning o‘zlari ham Qur’on oyatlarini to‘la tushuna olmasliklarini tan oladilar. Ulug‘ sahobalar ham ko‘pdan-ko‘p oyatlar mazmunida bahslashib, bir yechimga kelisha olmay, Rosul alayhissalomning o‘zlaridan so‘rab, aniqlab olganlari to‘g‘risida sahih hadislar mavjud.

Qur’oni karimni boshqa tillarga tarjima qilish harakati ancha qadimdan boshlangan. Ayniqsa, arab bo‘lmagan halqlarning islomga kirishlari bu harakatga asosiy sabab bo‘lgan. Garchi islom ulamolari oyatlarni har qanday tilda sharhlab tafsir qilishga ruxsat bersalarda, biroq so‘zma-so‘z tarjima qilib yozishga mutloqo izn bermaganlar, zero tarjimani yozib qo‘yishlik bilan Qur’on mazmuni shundangina iborat degan iddao bo‘ladi, deb uning mas’uliyatidan qo‘rqqanlar. Shuning uchun ajdodlarimiz merosida o‘zbekcha tafsirlar ko‘p. Ammo sof ona tilimizdagi tarjimalarni deyarli uchratmaymiz. Ushbu yaratgan dasturimizda mutlaqo xato nuqsonlar yo‘q deya olmaymiz. Beayb Parvardigor.

Hozirda dastrimizning Android platformasi uchun mavjud keyinchalik iOS, Windows, Web uchun ham chiqarish ustida ishlayapmiz. Aziz mo'min birodarlarimizga foydamiz tekkan bo'lsa juda ham mamnunmiz. Kamina Usmoxan va dasturga hissa qo'shgan birodarlarimiz haqqiga duo qilib qo'ysangiz nur ustiga a'lo nur bo'lar edi.