Бой бўлишнинг 10 та сири

Бойликка интил фақат бой одамгина атрофидагиларни тўлиқ қўллаб қувватлай олади

Биз олтмиш беш ёшга етганимизда тўқсон фоиздан кўпимиз ё ҳеч вақога ярамайдиган ёхуд барбод бўлиб тугагандек кўриҳамиз.

Саккиз фоиз эркаклар ва икки фоиз аёлларнигина молиявий жиҳатдан мустақил деб аташ мумкин бўлгани ҳолда фақат бир фоизгина аҳолини бой деса бўлади. Бунинг сабаби нимада? Ўша бир фоиз кишиларга бошқалар билмайдиган яна нима нарсалар маълум? -Улар бошқалардан кўра ақллироқми? Маълумоти тузукроқми? Кўпроқ меҳнат қиладиларми? Ёки улар тақдирнинг эркатойлари бўлган оддий бахтиёр инсонларми?

Бу саволлар узоқ йиллардан бери менга тинчлик бермасди. Агар бойлик ҳамма интиладиган шундай бир ноёб нарса бўлса, нима учун унга эришиш юздан бир кишигагина насиб этади? Нима учун кишилар гарчи ўз орзуларини амалга оширишга ожиз бўлсаларда, бунинг учун шунчалик кўп куч ва ҳиссиётларини сарфлайдилар? Кунлардан бир кун мен ажойиб қарияни учратдим. У менга Ҳақиқий Бойликнинг барча сир-синоатини очиб берди. Унинг ўнта тамойилини қўллаган ҳар қандай инсон бойликкагина эмас, балки тўла мў1-кўлчилик, фаровонликка эришади.

Ҳақиқий Бойлик — бу фақат сизнинг банкдаги ҳисобингиз миқдори ёки молу мулкингиз қимматигина эмас, бу ўз умрингизни тилаганингизча кечиришингизга етарли даражада маблағ билан таъминланганингиз демакдир.

Биз барчамиз бой бўлиш учун етарли қувватга эга эканлигимизни англагандек бўлдим. Шарт-шароитларимизнинг қай даражадалиги —ёш ёки кексалигимиз, қора ёки оқ танли эканимиз, никоҳланган ёки сўққабошлигимизнинг бу ерда аҳамияти йўқ. Бизнинг ҳаётимизни ташқи муҳит бошқармайди, яъни у об-ҳаво ёки ҳукумат сиёсати бўлмасин, буни ўзимиз белгилаймиз!

Айнан ўз ҳаётимизни бошқара бошлаган, унга нисбатан ўз масъулиятимизни қўлга олган чоғдагина бу умрни ўзгартириш ва ўз орзуларимизни амалга ошириш учун ўзимизда қувват сезамиз.