Ал Кимёгар

"Алкимёгар" - мазмунан фалсафий, моҳиятан оддий инсоний муаммо ҳақидаги роман.

Асар муаллифи — ҳозирги замоннинг машҳур ёзувчиси бразилиялик Пауло Коэло.

"Алкимёгар" асари Ричард Бахнинг "Оқчарлоқ Жонатан" ёки "Шарпалар" асарларига ўхшамайди. Экзюперининг "Кичик Шаҳзода"сига ҳам ўхшаш томонлари жуда кам. Бироқ негадир "Алкимёгар"ни ўқиганда сизга беихтиёр ўша ривоят-қиссалар йодга тушади. Зотан, бу асар айнан ҳозирги замон китобхонлари учун ёзилгандек ва "Ал кимёгар"нинг турли давлатлар арбобларию, машҳур санъаткорлар ҳамда ҳозирча бир юз ўн етти мамлакатдаги миллионлаб адабиёт мухлислари томонидан севиб ўқилиши шундан далолатдир.

"Бизнинг сайёрамизда бир буюк ҳақиқат барқарор: агар сиз чиндан ниманидир орзу қилсангиз, унга албатта эришасиз. Зотан, бу орзу Олам Қалбида ҳам туғилади ва айни шунинг ўзи сизнинг Ерда мавжудлигингиз тасдиқи, сизнинг тақдирингиздир", деб ёзади П. Коэло.