Tushda kechgan umrlar

O'tkir Hoshimov „Tushda kechgan umrlar“

„Tushda kechgan umrlar“ - o‘zbek yozuvchisi O’tkir Hoshimov qalamiga mansub roman. Muallif asarni 1993-yil yozgan. Ilk bor „Sharq yulduzi“ jurnalida serialashtirilgan. Kitob o'laroq 1994-yil Toshkent shahrida „Sharq“ nashriyotida chop etilgan. Roman muallifning eng mashhur asarlaridan biridir.

Asarda bosh qahramon Rustamning fojiaviy qismati orqali afg‘on urushining ma’nosiz mohiyatini teran va ta’sirchan ifoda etilgan. Butun umri davomida totalit rejim siyosatining qalqoni va qilichi sifatida ish ko'rgan, necha minglab halol odamlar dilini jarohatlagan, yostig‘ini quritgan Komissar ham o‘ziga xos fojiaviy obrazdir. Bu kimsaning fojiasi shundaki, u o'zi olib borgan qora ishlarni haq deb biladi.