Lagu Rohani Saluan

Tutup Talian Aplikasi. Percuma dan muda dipakai.

Kami ko kahandaq ahiq da iwi-iwiq yang mian monsumbuq anu bineeq sekarang Tumpu hi Kita mian, aitumo basaq. Da Tiba basaq Kita mian Timbali mongepeq kabai mompia Tumpu i kantumuuqanto anu molumui kinyonyoa sekarang mian anu sajaq monginauq Tumpu, da misaq ahiq ko laa baladoqa kaq mombasaq Alakitaap, panyo Tiba unde-undeqan Kita Timbali monginauq anu Binau sekarang Tumpu hi Kita anu nompotimbali Kita mian buqoi. Palalu ahiq na Kita mian montinjohakon adat kaq mobasaq u basaq u POSI butong.

Manjooq ahiq na mian mongkaimaqi mohongo nyanyian, mokonyoq Kami ko kinyonyoa mombau nyanyian sekarang basaq u Saluan, da manjooq yang mian Timbali monsumbuq aiya unde-undeqan. Tiba aiya nyanyian, kahandaq mami, da Samian toka Samian Kita Timbali monsumbuq basaq anu bineeq sekarang Tumpu hi Kita. Tiba muleq, Kita mian Timbali mompia kalibosan sekarang Tumpu i kantumuuqanto. Makaq ko mian ahiq anu maliaq maosa, na de laa mohongo sisik anu mantan kaq singkaap pokakana, panyo ko mian ahiq anu mongkaimaqi mohongo nyanyian pongundeqan Tumpu anu molumui kinyonyoa.